Një burrë francez ka shpenzuar rreth 10 000 euro për botoks dhe ndërhyrje në buzë, me qëllim që t’i ngjajë sa më shumë idhullit të tij, legjendares Marilyn Monroe.
Cyril Roux, 32-vjeçari nga Toulon, thotë se ka nisur me ndërhyrjet në fytyrë për t’u dukur më i ri dhe për t’i ngjarë Monrosë, e cila është një frymëzim për të.
Në 18 muajt e fundit, Cyril ka bërë 20 mbushje në buzë dhe tani ka për qëllim një operacion në hundë dhe implante në mjekër dhe faqe për të vazhduar më tej transformimin e tij.
Edhe pse njerëzit në rrugë qeshin me pamjen e tij, ai thotë se nuk e vret mendjen fare.
