Mbrëmjen e kësaj të hënë në emisionin ‘Opinion’ është duke u folur për heqjen e ndihmës ekonomike të mijëra familjeve nga qeveria. Me një panel të dominuar nga gratë, duke vënë përball përfaqësues të opozitës dhe qeverisë, drejtuesi i emisionit ka ngritur pyetjen për të ftuarit prezent: “Kush po e rrit varfërinë në vend”. Emisioni ka nisur me një sërë deklaratash dhe mund ta ndiqni live në ekrani e TVKlan, pasi më poshtë do të sjellim disa momente pikante që janë shkëputur (pas kamerave) para se të fillonte emisioni.
Në fotot dhe videot më poshtë shihet deputetja simpatike Grida Duma e cila duket se ka ardhur në kohë për të bërë grimin, ajo po flet me kryeredaktoren e emisionit Desada Metaj lidhur me temën e emisionit.
Në dhomën e grimit shihen zëvendësministrja e Shëndetësisë Bardhylka Kospiri dhe zëvendësministrja e Financave Dajana Sorensen teksa bëjnë përgatitjet e fundit. Ndërkohë që në korridor ndodhet Kastriot Sulka i cili duket se ka përfunduar me grimin dhe po pret hyrjen në studio. Vihet re mungesa e deputetes socialiste Elisa Spiropali, e cila ka ardhur në minutat e fundit para se emisioni të startonte.
Nga ana tjetër në foto më poshtë drejtuesi i emisionit Blendi Fevziu, shfaqet në lëvizje në studio, teksa të ftuarit zënë vendet e përcaktuara.
Nis kështu edhe për këtë mbrëmje emisioni ‘Opinion’ i cili duket se do të ketë vëmendjen e njerëzve të cilët janë prekur drejtpërdrejtë nga heqja e ndihmës ekonomike. /G.Z-opinion.al
