Është mësuar identiteti i shqiptarit që u hodh nga kati i 5-të i hotelit në Athinë. Emiliano Dezaj, 42 vjeç gjeti vdekjen në hotelin “Cosmopolit” që ndodhet në sheshin Omonia të Athinës.
Sipas policisë, viktima ka hyrë në një hotel në qendrën e kryeqytetit grek. Ai është pyetur nga recepsionisti i hotelit, se ku donte te shkonte, pasi nuk ishte klient i hotelit, por në vend të përgjigjet është ngjitur me shpejtësi në shkallët e hotelit. Pak minuta më vonë, dëshmitarët okulare panë trupin e tij në trotuarin para hotelit.
Ne zonë mbërritën menjëherë ambulancat, por viktima kishte ndërruar jetë. Autoritetet thanë se ende nuk kanë një piste perse viktima Emiljano Dezaj vendosi t’i japë fund jetës. Në xhepat e tij u gjetën sasi të mëdha parash, por asnjë shënim që të shpjegojë arsyen e vetëvrasjes.
Lidhur me ngjarjen Prokuroria e Athinës ka hapur një hetim, ndërsa pritet të thirren edhe miq të viktimës. Trupi i tij u dërgua në morgun e Athinës për ekspertizë mjeko-ligjore.
