Ky është automjeti tij Ford që drejtohej nga 31-vjeçarja B.Ll dhe që u përfshi në një aksident të frikshëm mëngjesin e sotëm në autostradën Tiranë-Durrës (kilometri 0) tek mbikalimi i Kamzës. Opinion.al ka siguruar foto nga aksidenti që duket që ka qenë tej i fortë. Makina e përmbysur vazhdon të jetë në rrugë, ç’ka ka shkaktuar trafik të madh në autostradë.
Njoftimi i policisë
Më datë 17.06.2017, rreth orës 08:33, në autostradën Durrës – Tiranë, tek mbikalimi i “Kamzës”, janë përplasur automjeti tip Ford, me drejtuese shtetsen B. Ll., 31 vjeçe, banuese në Durrës, me automjetitn tip Seat, me drejtues shtetsin I. Z., 25 vjeç, banues në Durrës, ku për pasojë e përplasjes automjeti tip Ford është përmbysur.
Drejtuesja e automjetit tip Ford dhe pasagjerja shtetasja Z. S., 22 vjeçe, janë dërguar në S.Q.U., jashtë rrezikut për jetën për kontroll mjeksor.
Grupi hetimor po punon për sqarimin e rrethanave të kësaj përplasje.
