Një aksident rrugor është regjistruar mëngjesin e sotëm në Përrenjas, dhe për pasojë disa persona kanë mbetur të plagosur.
Aksidenti është regjistruar në vendin e quajtur “Ura e Mërkurit”.
Sipas Balkanweb, njëri prej të plagosurve është transportuar në spital për shkak të plagëve të marra.
Në pamje shfaqen mjete të shkatërruara në vendin e ngjarjes. Një automjet dyshohet se ka humbur drejtimin e lëvizjes, është përplasur me një tjetër dhe ka dalë jashtë rruge duke u përplasur me bordurën anësore.
Grupi hetimor ndodhet në vendngjarje dhe po heton mbi shkaqet e aksidentit.
