Një aksident me disa mjete të përfshira është shënuar pak minuta më parë në rrugën e Rinasit, pranë fshatit Domje. Siç shihet nga fotot e mbërritura në Opinion.al njëra prej mjeteve të përfshira në aksident ka dalë nga rruga duke përfunduar në arë.
Opinion.al u interesua pranë Policisë Rrugore Tiranë e cila tha se nga aksidenti janë tre mjete të dëmtuara por fatmirësisht nuk ka viktima apo të plagosur në gjendje të rëndë. Policia ndodhet në vendin e ngjarjes dhe po punon për të zbardhur shkaqet e aksidentit, që përpos të tjerave solli edhe trafik në këtë aks të rëndësishëm rrugor.
