Për 50 vjet me radhë, shtypja mbi bazë racore ka zënë vend në Afrikën e Jugut. Ligjet dhe rrjedhimisht edhe gjendja ndryshuan në fillim të viteve ’90, por aparteidi ka lënë gjurmë të pashlyeshme në arkitekturën e vendit. Rrugët, lumenjtë dhe fushat shërbejnë edhe sot si “kufijtë” që ndajnë zonat sipas racave.
Fotografi Johnny Miller ka realizuar nga droni një set fotosh, të cilat më shumë se çdo gjë tjetër tregojnë “arkitekturën e aparteidit”.
Ndarja e zonave në këtë mënyrë i ka dhënë qeverisë së asaj kohe mundësinë për t’i reduktuar komunitetit me ngjyrë aksesin në shkollim, punë të mira dhe resurset e qytetit, çka ka çuar në një ndarje ekstreme mes të pasurve dhe të varfërve. Fotot e Miller tregojnë kontrastin mes këtyre zonave në një mënyrë që nuk është dokumentuar më parë.
