40-vjeçari Hekuran Billa është viktima e atentatit të ndodhur mbrëmjen e së enjtes tek “Komuna e Parisit” në Tiranë.
Autorët kanë qëlluar me breshëri në drejtim të 40-vjeçarit me një armë zjarri automatike “MP5” me silenciator. Kjo armë është e ngjajshme me ato që përdor garda megjithatë ajo nuk ka rezultuar e regjistruar në Shqipëri.
Në vendngjarje janë sekuestruar rreth 30 gëzhoja ndërsa 8 shenja plumbash janë të dukshme në xhamin e makinës tip “BMË X6” ku u qëllua viktima.
Pasi u qëllua, Billa ka humbur kontrollin e makinës dhe më pas është përplasur me makinat që ndodheshin të parkuara pranë vendit të ngjarjes.
Vetëm pak minuta pas ngjarjes në Prezë të Vogël u njoftuar se një makinë ishte përfshirë nga flakët, dyshohet se kjo makinë është përdorur nga autorët që ekzekutuan Hekuran Billën. Branda makinës së përshirë nga flakët u gjet dhe edhe arma e zjarrit e dëmtuar.
Rezulton se Billa është një person me precedent penal. Ai ka qenë i dënuar në Angli për vrasje, ndërsa është ekstraduar në Shqipëri. Ai ka përfituar ulje dënimi dhe më pas është liruar me kusht nga gjykata e Krujës.
Sipas të dhënave, në 14 tetor 2006 Billa në atë kohë 28 vjeç ka ekzekutar në Angli Prel Markun 22 vjeç në një klub në Park Royal.
Billa u shpall fajtor dhe u dënua me burgim të përjetshëm, dënim i cili më pas u konvertua në 34 vite burg.. Në këtë ngjarje u plagos dhe Musa Prahmani, i cili arrit të shpëtojë duke u hedhur nga dritarja e kulbit. Pas vrasjes, Billa u largua në Danimarkë, për t’i shpëtuar policisë. Por, autoritetet arritën ta prangosnin. Billa ishte një pjesë e një bande përfshirë në prostitucion dhe trafikimin e njerëzve./ Opinion.al
