Forcat e Armatosura larguan nga fshati Manati në Lezhë 74 predha të kalibrit 150 mm, secila me peshë rreth 50 kg, të cilat sipas vlerësimeve paraprake, i përkasin Luftës së Dytë Botërore.
Në një postim në faqen e saj zyrtare në Facebook, Ministrja e Mbrojtjes, Olta Xhaçka bëri me dije se u parandalua një tragjedi, teksa shtoi se arsenali i predhave u dërgua në një poligon të posaçëm ku do të bëhet dhe demontimi i tyre.
Ndërkohë që nga fillimi i vitit Forcat e Armatosura kanë kryer 75 operacione në të gjithë vendin dhe kanë asgjësuar 16 tonë municione të rrezikshme./Opinion.al
