Kryeministri Edi Rama ka deklaruar se ka një rritje të numrit të turistëve në Shqipëri.
Ai njoftoi se aeroporti i Tiranës ka filluar një punë për zgjerimin e pistës.
Gjatë takimit me kryebashkiakët, ai ka theksuar se për të ulur charter në Rinas duhet të marrësh leje tre ditë para, pasi fluksi është tepër i madh.
“Nga janari në qershor janë 1.7 mln hyrje të qytetarëve të Kosovës, ose 25% më shumë se vjet. Ndërsa, italianët deri në qershor kanë qene 57%, turistët turq 61%, polakët 71% sepse kanë qenë ndër më të parët që kanë ardhur.
Ndërkohë aeroporti i Tiranës është në pamundësi për të dhënë leje për uljet charter sepse nuk ka më vend, duhet të prenotosh tre ditë përpara. Aeroporti i Tiranës ka filluar një punë për zgjerimin e pistës dhe për të gjitha këto duhet të marrësh leje”, tha Rama.
