Moderatorja e njohur shqiptare Floriana Garo, përpara tre muajsh u bë për herë të parë nënë e një vajze, të cilën e quajti Adia.
Ajo prej kohësh është zhvendosur në Zvicër ku ka nisur bashkëjetesën me partnerin e saj Enisin. Floriana është shumë aktive në rrjetet sociale dhe ka shpërndarë shpesh postime nga jeta e saj e përditshme dhe i ka njohur ndjekësit e saj me aktivitetet që po bën në Gjenevë.
Mirëpo pavarësisht kësaj, ajo deri më sot nuk kishte publikuar një foto me vajzën e saj të vogël Adia. Ditën e sotme moderatorja ka postuar një foto duke na ka prezantuar me vogëlushen, por si çdo mama e re dhe ajo është siguruar që fytyra e Adias mos të duket.
“Me të ëmblën time Adia”, shkruan Floriana në përshkrim të fotos ku vajza shihet në karrocë.
