Këngëtari grek Notis Sfakianakis do të japë një koncert për shqiptarët në Pallatin e Kongreseve. Edhe pse janë të shumtë ata persona të cilët e pëlqejnë muzikën e tij, ka edhe prej tyre të cilët nuk e duan. Një ndër këta persona që ka dalë hapur kundër performancës së Sfakianakis është Flori Mumajesi.
Ai ka postuar një video, ku një prej pjestarëve të partisë nacionaliste greke ‘Agimi i artë’, shan gjithë urrejtje shqiptarët që janë bërë të njohur në Greqi, dhe për këtë fajson popullin e tij duke e cilësuar si injorant. Më pas shfaqet Sfakianakis, i cili mbështët haptazi këtë parti si të vetmen rrugë shpëtimi në Greqi. Flori është revoltuar nga kjo video, dhe ka shpërthyer keq kundër këngëtarit.
“Ku je tani o deputeti i partisë “Agimi i Leshit” që më shan shqiptarët në parlamentin grek?
Ku je kur promovuesi yt Notis Sfakianakis po vjen te ne të na tregojë se sa pabuks është dhe se pa lekët tona nuk mundet të jetojë në vendin tënd pavarësisht bajgave që ha nëpër mediat greke për të huajt dhe për shqiptarët”, shkruan ai në postim.
