Mimoza Boçari, gruaja që u qëllua me shuplakë nga një efektiv policie gjatë protestës së djeshme në Parkun e Liqenit Artificial thotë se ndien keqardhje për efektivin e Policisë që u shkarkua, pasi nuk ishte i vetmi që dhunoi protestuesit.
Gjithashtu, Boçari tha në emisionin “Dritare” se Policia kishte marrë urdhër që të rrihte protestuesit.
“Dëgjova dikë që thoshte ‘gati shkopinjtë e gomës’. Për këtë u revoltova. Ne nuk po bënim asgjë”, tha Boçari.
“Ai është treguar brutal si njeri. Por gjithsesi zbatoi urdhrin. Nuk e kuptoj pse vepruan ashtu. Unë kam ngritur padi ndaj Policisë së Shtetit dhe jo ndaj policit. Akti ishte i turpshëm dhe më ka fyer rëndë. Ne donim vetëm transparencë, prandaj ishim mbledhur. Mbetëm të befasuar nga Policia dhe nuk dinim si të reagonim”, vijoi më tej Boçari.
https://www.youtube.com/watch?v=NILOGdeH8jg&feature=youtu.be
