Drejtori teknik i Bajern Mynih, Mihael Reshke, ka folur për zërat e merkatos që shohin Elseid Hysajn pranë skuadrës bavareze. Futbollisti i përfaqësueses shqiptare është lakuar shpesh si një përforcim i Bajernit, pasi nga kjo skuadër të largohet Filip Lahm, ndaj Reshke ka dashur të sqarojë opinionin.
“Hysaj dhe Kulibali? Bajernit nuk i pëlqen të flasë për lojtarë që nuk i përkasin përbërjes së tij”, deklaroi Reshke në emisionin “Si gonfia la rete” te “Radio CRC”. “Janë të gjitha zëra të pabazuara. Kur jemi të interesuar për çdo lloj profili futbollisti, vihemi në lëvizje dhe e marrim”, tha ai. Pak ditë më parë, menaxheri i Hysajt, Marko Xhiufredi, deklaroi se bavarezët kishin monitoruar futbollistin e përfaqësues shqiptare, ashtu si edhe klube të tjera të njohura.
“Për momentin po monitorojmë merkaton, por nuk ngutemi për të mbyllur blerje të reja”, përfundoi Reshke.
