Ish kryeministri Sali Berisha i ka bërë thirrje kryeministrit Edi Rama që të largohet pasi revolucioni i madh, siç i cilëson ai protestat, po shkatërrojnë kastrokracinë çdo ditë.
“Një protestë e jashtëzakonshme, sukses i madh i revolucionit që po çmonton kastrokracinë çdo ditë, Edi Rama të shkojë, por italianët nuk i mashtron dot. Ne po tentojmë t’u rikthejmë lirinë shqiptarëve, Edi Rama i ka kohërat e numëruara. Bën mirë të ikë ditën, se ikja natën nuk dihet se ku përfundon. Ikja natën është e tmerrshme për të. Protestat e tjera i përcakton lidershipi i partisë, revolta ka pushtuar zemrat e shqiptarëve.”
I pyetur nga gazetarja se ishte në formë të mirë fizike, ndoshta edhe për shkak të mospërdorimit të gazit, Berisha tha: “Edhe me gaz jam në formë unë, nuk ka gjë që më pengon të vazhdoj betejën.”/ Opinion.al
