Shënuesi i golit të avantazhit në ndeshjen me Maqedoninë, sulmuesi i Kombëtares Bekim Balaj ka folur disa minuta pas fitores. Për mikrofonin e TVSH, Balaj shprehu emocionet e këtij goli.
“Është kënaqësi shumë e madhe që i nisëm mbarë eliminatoret e botërorit. Një pikë në shtëpi, kundër Maqedonisë do të thotë shumë…”, u shpreh sulmuesi i Kombëtares shqiptare të futbollit.
Më tej, Balaj u shpreh se “për mua është dyfish i rëndësishëm ky gol. Kthehem në stadiumin Loro Boriçi dhe dhuroj emocion. Këtu kam shënuar shumë i vogël për tifozët e Vllaznisë, ku kam nisur fitoren, këtu kthehem për të kënaqur tani tofizët shqiptarë kudo janë”, tha shkodrani Bekim Balaj në prononcim e parë pas ndeshjes Shqipëri-Maqedoni që u mbyll mesditën e sotme me rezultain 2-1.
I pyetur nëse De Biazi duhet të formojë një skemë ku sulmuesit Balaj e Sadiku të jenë bashkë sesa një Gashi në lojë, Balaj u shpreh: “Me Sadikun kemi shumë gola e ndeshje bashkë. Misteri (De Biazi) e di më mirë këtë punë, Sadiku e Cikalleshi, Gashi e të gjithë mund të shënojmë shumë pikë bashkë”.
Por duke folur për ndërprerjen e lojës dje, ai tha se ishte një veprim i drejtë pasi mund të kishim humbur. “Po humbnim një lojë që e kishim në kontroll ne, dhe po e humbnim në pjesën e dytë. Ishte më mirë që e rinisëm sot, dhe fituam sepse ishim më mirë”, u shpreh ai.
lexoni edhe: http://opinion.al/gol-shqiperia-avantazh-2-1-me-maqedonine/
