Ka folur për mediat Spartak Dobi, bashkëshorti i pastrueses Rezarta Dobi, gruaja të cilës iu sekuestruan mbi 400 mijë euro të cilat i kishte vjedhur në shtëpi të ndryshme të Tiranës.
Me lot në sy ai shprehet për “Euro News” se nuk ishte në dijeni për veprimet që bënte gruaja, ndërsa shton se gjendja e tyre ekonomike ishte shumë e mirë.
“Nuk kam pasur dijeni për ngjarjen e as nuk dua të kem. Kam 25 vite me të. Kam dy kalamaj me të. Gocën e kam shtatzënë po qan. Djali nuk kishte pse të futej në këtë ngjarje. Nuk e di të saktë mirë, i vrasë të gjithë. Policia ka ardhur pardje. Policia i gjeti dje paratë, unë nuk kam ditur gjë. Unë marrë pension të mirë. Kam punuar vet polic.”- thotë Spartak Dobi.
Rezarta Dobi vodhi 120 mijë euro në banesën e ish-këshilltares së kabinetin të ish-ministrit Ahmetaj dhe më pas punonjëse në Kryeministri, Alda Klosi. Edhe kjo e fundit është vënë nën hetim nga drejtësia për origjinën e parave që i mbante në banesën e saj./Opinion.al
