Ndërsa është larguar nga burgu për disa ditë me leje, Alket Rizai është ndaluar nga një patrullë policie për një kontroll të masave Covid mbrëmjen e djeshme.
Ai udhëtonte në një automjet luksoz tip BMW, drejtuar nga një 36-vjeçar shqiptar, i cili rezultoi person në kërkim për një vrasje të 4 viteve më parë dhe u shoqërua në polici.
Ndërkohë Alket Rizai një emër i njohur veçanërisht për tentativat e tij të arratisjes nga burgu, ka pohuar se pas kontrollit ai është larguar në banesën e tij, ku po qëndron me leje.
“Jam shumë mirë, jam në shtëpi . Lajmet janë kot pa lidhje për një maskë na ndaluan dhe e bën tragjike, kaq ishte muhabeti. Unë jam me leje e shkoj ditë për ditë në polici paraqitem. S’ka asnjë lajm të tillë këtu qe unë jam larguar skam pse largohem ”, tha për Report Tv, Alket Rizai./Opinion.al
