Një zjarr i madh ka shpërthyer në një ndërtesë në lindje të qytetit të Romës, duke plagosur disa persona.
Një ndërtesë në rinovim u përfshi nga flakët pasditen e kësaj së premteje në via Edoardo d’Onofrio në Romë.
Nga mediat italiane raportohet se 1 person ka humbur jetën dhe shtatë të tjerë brenda godinës u plagosën, ku tre prej tyre janë gjendje të rëndë.
Tridhjetë persona u shpëtuan nga zjarrfikëset, ndërsa 25 banorë u detyruan të linin shtëpitë e tyre.
Sapo janë lajmëruar për zjarrin, ekipet e zjarrfikësve kanë shkuar menjëherë në vendngjarje.
Sipas autoriteteve, flakët kanë nisur nga një makinë që ishte parkuar pranë godinës.
Flakët u shfaqën nga kati i dytë dhe mendohet se zjarri ka shpërthyer nga disa cilindra të acetilenit të pranishëm në kantierin e ndërtimit, i cili nga ana tjetër kishte përfshirë edhe skela duke u përhapur kështu në shtatë katet e godinës, e cila u shkatërrua plotësisht.
Zjarri kishte arritur në skeletin e jashtëm të ndërtesës dhe më pas ishte përhapur në katet e tjera.
Zjarrfikëset po vijojnë punën për shuarjen e flakëve, ndërsa shumë njerëz kanë dalë në rrugë, por shumë të tjerë janë ende të bllokuar brenda ndërtesës.
Ndërkohë bashkia do të krijojë vende për t’u strehuar në gjimnaze për qytetarët, ndërsa në vendngjarje shkoi edhe kryetari i Bashkisë./Opinion.al
