Kreu i opozitës Lulzim Basha ka kritikuar ashpër qëndrimin e Kryeministrit Rama me gazetarët edhe pas takimit të djeshëm të zhvilluar në Tiranë me gazteraë nga Ballkani dhe përfaqësues të lartë të bashkimit Europian.
Basha shkruan se me fjalime të tilla ai nxitt urrejtjen dhe dhunën ndaj gazetarëve, ndërsa ka thururu vetëm lavde dhe përkëdheli për Elvis Roshin e Saimir Tahirin.
Basha ndër të tjera u bën thirrje organizatave ndërkombëtare dhe partnerëve të huaj që ta dënojnë këtë gjuhë urrejtje dhe të dhunshme të kryeministrit.
Postimi i Bashës
Fjalimi i djeshëm i Edi Ramës kundër gazetarëve është fjalim kriminal. Me fjalime të tilla, ai është duke nxitur përditë urrejtjen dhe dhunën ndaj gazetarëve. Gazetarët janë ndër njerëzit më të rrezikuar në botë, shënjestër e shpeshtë e krimit dhe e politikanëve të korruptuar. Vetëm pak ditë më parë në Maltë u vra në mënyrë barbare një gazetare që hetonte kryeministrin.
Klima që krijon Edi Rama inkurajon pikërisht kriminelët që të sulmojnë gazetarët që raportojnë dhe hetojnë krimin dhe korrupsionin. Njeriu që ka thurur vetëm lavde dhe përkëdheli për Elvis Roshin, Saimir Tahirin dhe kriminelët e tjerë më të cilët rrethohet, duhet të ndalë menjëherë gjuhën e tij të rrezikshme.
Ju bëj thirrje të gjithë qytetarëve, intelektualëve, gazetarëve dhe politikanëve ta denoncojnë dhe të mos heshtin përballë kësaj sjellje kriminale të kryeministrit. U bëj thirrje organizatave ndërkombëtare dhe partnerëve të huaj që të dënojnë këtë gjuhë urrejtje dhe të dhunshme të kryeministrit.
