Sport

Fitojnë Belgjika dhe Portugalia, Ukraina frenon Francën


Bëhu pjesë e Grupit Zyrtar të Opinion.al
>> KËTU <<
               Publikuar në : 22:50 - 24/03/21 |
Opi Nion

Sot janë luajtur ndeshjet e para të fazës eliminatore të Botërorit “Katar 2022”. Për Belgjikën dhe Porugalinë ka qenën një nisje e suksesshme, Ukraina frenoi kampionët në fuqi të Francës në Paris, teksa Kroacia bie në Lubjanë në derbin kundër Sllovenisë.

“Djajtë e Kuq” të Martinez triumfuan 3-1 në shtëpi kundër Uellsit të Gareth Bale. Skuadra mike kaloi e para në avantazh në minutën e 11-të. Harry Ëilson finalizoi një kundërsulm shumë të bukur të Uellsit, gol që zgjoi nga gjumi vendasit.

Kevin De Bruyne dhe Thorgan Hazard përmbysën rezultatin brenda 6 minutave, ndërsa Romelu Lukaku vulosi suksesin e Belgjikës me një penallti të kthyer në gol në pjesën e dytë. Franca dhe Ukraina e mbyllën në barazim 1-1 takimin mes tyre.

Antoine Griezmann realizoi një eurogol në minutën e 19-të. Sallakja e sulmuesit të Barcelonës përfundoi në trekëndësh, por djemtë e Andriy Shevchenkos nuk u dorëzuan dhe evituan disfatën. Ukraina pati edhe fatin me vete në minutën e 57-të, moment kur Presnel Kimpembe, mbrojtësi i PSG-së, shënoi një autogol në portën e tij.

Nga një gol dhuruan takimet Portugali-Azerbajxhan dhe Slloveni-Kroaci. Luzitanët iu gëzuan një fitoreje minimale falë autogolit të Maksim Medvedev në pjesën e parë.

Sllovenia iu fal rrjetës së Sandi Lovric pas çerek ore lojë për të thyer Kroacinë. Nënkampionët e botës tentuan deri në fund për të marrë një pikë, por nuk i dolën dot në derbin e Ballkanit.

Pas