Një 60-vjeçar nga Italia pati fatin të ishte fitues i lotarisë prej 1 milionë eurosh e luajtur në ditën e Epifanisë. Ai punon si parkues makinash në një diskotekë në jugperëndim të Torinos, ndërsa mëngjesin e së dielës u zgjua si një milioner. Në mënyrën më të rastësishme ai zbuloi se ishte fitues i shumës marraendëse por për Biagio Vigna 1 milionë euro ishin shumë.
Isha duke ndihmuar djemtë të parkonin makinat, si zakonisht, kur dëgjova që tashmë ishte zbuluar fituesi i 1 milionë eurove. Kontrollova xhepin e pantallonave dhe vura se numri i thënë prej tyre përkonte me timin. Për pak desh pësova infarkt. Mora në telefon vajzën dhe i thashë që kisha fituar.
“Bileta është e jotja, bëj çfarë të duash me të. Për mua janë shumë para, nuk i dua” – kanë qenë fjalët e para që Biagio i tha të bijës. “Unë tashmë e kam jetuar jetën time, besoj se vajzës sime do i shërbejnë më shumë se unë”, –shprehet ai.
