Opozita nuk do të shkojë në zgjedhje nëse nuk ndryshon Kodi Zgjedhor. Kushti kryesor i PD dhe partive të vogla është votimi elektronik. Për këtë kanë firmosur një memorandum ku mes shumë të tjerave bie në sy PBDNJ e Vangjel Dules.
Në memorandum thuhet se është rrezik i madh fenomeni i shit-blerjes së votës dhe korrupsioni zgjedhor, përfshirë korruptimin e komisionerëve zgjedhorë, me para kriminale që burojnë nga niveli i paprecedent i narkotrafikut dhe korrupsioni galopant me tendera dhe koncesione publike, si dhe bërja palë e policisë së shtetit në këto fenomene dhe mosndëshkimi penal i tyre.
Po kështu në memorandum thuhet se “procesi i reformës zgjedhore është zvarritur për të bërë të pamundur sigurimin e standardeve ndërkombëtare dhe reforma pjesore e Kodit Zgjedhor që nuk garanton përmirësim të plotë të standardeve zgjedhore”.
Kushtet e opozitës për zgjedhje të lira janë:
1. Realizimin e (1) identifikimit biometrik të zgjedhësve, (2) votimin elektronik dhe (3) numerimin elektronik te votave nëpërmjet një sistemi të aplikuar në shklallë vendi që integron në një proces të tre komponentët e mësipërm.
2. Dekriminalizimin e procesit zgjedhor nëpërmjet zbatimit me intensitet, shpejtësi dhe forcë të ligjit 138/2015 për dekriminalizimin si dhe dekriminalizimin e kandidaturave për zgjedhjet e radhës, dekriminalizimin e strukturave të fushatës zgjedhore të partive, largimin e bandave dhe elementëve kriminalë nga procesi zgjedhor, nga fushata dhe veçanërisht nga prania e tyre ditën e zgjedhjeve;
3. Duhet të ulet kostoja e fushatës zgjedhore nëpërmjet reduktimit drastik të shpenzimeve për fushatë, të bëhet transparencë efikase e shpenzimeve dhe burimeve të financimit, të forcohen ndalimet për financimin e partive dhe të forcohen penalitetet në Kodin Penal, përfshirë cilësimin e shit-blerjes së votës si krim i rëndë;
4. Të ndalohet rreptësisht përdorimi i burimeve njerëzore të admnistratës publike në fushatë apo strukturat zgjedhore partiake si dhe të ndalohet rreptësisht përdorimi i burimeve materiale të administratës publike;
5. Garantimi i aksesit të drejtë në media dhe mbulimi mediatik si dhe reduktimi dhe normimi i hapësirës publicitare në fushatë zgjedhore, me qëllim sigurimin e një fushate të drejtë;
Ne partitë politike nënshkruese të këtij memorandumi, konsiderojme se përmbushja e kushteve të mësipërme është një minimum i domosdoshëm dhe i pakapërxyeshëm për një proces zgjedhor të lirë, të ndershëm, të besueshëm dhe në përputhje me standardet ndërkombëtare.
Memorandumi është nënshkruan nga PD e drejtuar nga Lulzim Basha, PR -Fatmir Mediu, PDK e Nard Ndokës, LZHK e Dashamir Shehit, PAA e Dukës, PBDNJ – vangjel Dule, PLL-Sulemjan Gjana, PBK – Adriatik Alimadhi, AK- Kreshnik Spahiu.
Gjithashtu dhe nga partite e tjera te vogla:
Aleanca Ekologjike Europiane
Partia e te Drejtave te Mohuara e Re
Partia Kombetare Konservatore
Partia Popullore Kristiandemokrate
Partia Lidhja Demokristiane
Partia Ora e Shqiperise
Partia Bashkimi Demokratik
Partia Bashkimi Liberal Demokratik
Partia Konservatore
Partia Mendimi i Djathte Liberal
Partia B.P. Prensionisteve Shqiptare
Partia Demkoracia e Re Europiane
Partia per Liri Demokraci Etike
Partia Balli Kombetar Demokrat
