Kompania e Victoria Beckham po humbet gjithnjë e më shumë para. Këtë vit linja e saj e veshjeve humbi 12 milionë paund, ndaj ajo po shkurton ekstremisht shpenzimet që të shpëtojë kompaninë.
Sipas disa burimeve investitorët i kanë thënë që nuk mund të udhëtojë më me shofer personal, dhe gjithashtu, selia qëndrore e Victoria Beckham në Hammersmith, West London, nuk do të dekorohet më me bimë dhe lule.
“Victoria po kalon nga shiu në breshër. Shoferi iku, tani vjen vetë në punë. Lulet po i heqin gjithashtu sepse mirëmbajtja kushton shumë. Victoria është shumë e mërzitur sepse i ka dedikuar jetën kësaj kompanie dhe s’ka ndërmend të dorëzohet.”, tha një burim për The Sun.
Nga ana tjetër, dyshimet se kopmania po shkon drejt falimentimit vinë edhe nga fakti se drejtoresha e komunikacionit, Milloy dhe kreu i marketingut, Ruth Davies, kanë dhënë dorëheqjen.
Kujtojmë se Victoria u angazhua në biznesin e modës në vitin 2008 dhe me kalimin e viteve kompania e saj e cila e nisi punën me prodhimin e fustaneve, u zgjerua dhe në prodhimin e veshjeve të tjera dhe aksesorëve të ndryshëm./Opinion.al
