Një gjykatës amerikan vrau veten të Premten në mëngjes, pikërisht në momentin kur agjentët e policisë u shfaqën në shtëpinë e tij në Henderson për ta arrestuar pasi akuzohej për një rast abuzimi seksual të të miturve.
Gjykatësi i Qarkut Caroline, Jonathan Newell, 50 vjeç, ishte pushuar nga puna që nga korriku pasi u bë pjesë e një hetimi, ku pretendohej se ai kishte një aparat të fshehur që kapte imazhe të zhveshura të djemve në tualetin e tij.
Kur agjentët e FBI-së u paraqitën në derën e tij të Premten në mëngjes për ta arrestuar pas një kallëzimi në emër të tij e gjetën të vdekur.
“Policia e Shtetit të Maryland do të udhëheqë hetimin për vetëvrasje,” thanë prokurorët në një njoftim për shtyp të Premten pasdite.
Ankesa e parë ndaj tij ishte regjistruar në korrik, kur një i mitur i raportoi prindërve të tij se kishte parë në tualet një kamer të ndezur.
Pas kontrolleve u verifikua se në shtëpinë dhe zyrën e zotit Newell, u gjetën pajisje të shumta dixhitale, përfshirë një hard disk që policia pretendonte se përmbante video të shumta të të rinjve ndërkohë që bënin dush./Opinion.al
