Një 65-vjeçar ka rënë nga skela gjatë procesit të punës në një fabrikë për përpunimin e vajit.
Policia bën me dije se ngjarja ka ndodhur rreth orës 13:40 në qytetin e Fierit. 65-vjeçari me inicialet T. C., banues në fshatin Vajkan është dërguar në spital, ku ndodhet në kujdesin e mjekëve.
Njoftimi i policisë
Rreth orës 13:40, dyshohet se gjatë procesit të punës në një fabrikë për përpunimin e vajit, në Fier, ka rënë nga skela, shtetasi T. C., 65 vjeç, banues në fshatin Vajkan. Si pasojë, ai është dërguar në spital, ku është në kujdesin e mjekëve.
Grupi hetimor po punon për të zbardhur rrethanat e rastit.
