Politikani Fidel Ylli ka thënë me bindjen e plotë se zgjedhjet në FSHF janë të jashtëligjshme, për sa kohë që Gjykata nuk regjistron përfundimin e tyre.
“Unë e kam thënë që në fillim që zgjedhjet në Federatën e Futbollit janë të jashtëligjshme sepse shoqatat që kanë qenë të regjistruara aty nuk kanë qenë të regjistruara në Gjykatë. Kanë qenë pranë Federatës të njohura, por Gjykata nuk i ka njohur. Dhe tani derisa çështja ka vajtur në Gjykatë ne s’kemi ç’të japim më, duhet të respektojmë vendimet e Gjykatës.
Gjykata nuk e ka njohur këtë Asamble për arsyen që thashë, që zgjedhjet kanë qenë ilegjitime sepse shoqatat që kanë marrë pjesë në votim nuk kanë qenë të regjistruara në Gjykatë, nuk ka asnjë dokumentacion.
Gjykata, për t’u treguar me logjikë u ka thënë ‘më sillni dokumentacionin t’u regjistroj tani’, sepse shteti duhet të mbajë duart larg nga sporti, por nuk ka dokumentacion. Çfarë do të thotë që je në krye të Federatës, ti të bësh çfarë të duash? Por ke emrin e Shqipërisë aty, ke stemën, është ajo me të cilën jemi krenuar të gjithë” ka thënë Fidel Ylli në një intervistë për ‘Telesport’.
Gjithashtu ylli ka thënë se nëse Bashkim Fino do ta dërgoj çështjen në CAS të Lozanës, atëherë për të është një çështje e fituar.
