Ish-ministri i Bredshëm Fatmir Xhafaj ka shkruar se mbledhja e sotme e kryesisë së PS ka qenë një nga më të mirat të viteve të fundit.
Mbledhja ka zgjatur rreth 5 orë, por pavarësisht se nuk jep detaje mbi përmbajtjen e saj Xhafaj shkruan se ajo ishte “një konfirmim i vlerave demokratike të institucioneve të Partisë Socialiste”.
“Sot zhvilluam një mbledhje Kryesie. Zgjati si rrallëherë, plot 5 orë! Përmbajtja dhe mënyra e debatit të zhvilluar – një konfirmim i vlerave demokratike të institucioneve të Partisë Socialiste. Realizëm, përgjegjshmëri në vlerësimin e situatës dhe për rrugën që do ecim, nga të gjithë diskutantët. Çdo gjë në interes të vendit & në shërbim të njerëzve. Ishte një ndër mbledhjet më të mira të viteve të fundit në këtë lloj formati. PS mbetet një vlerë e çmuar demokracie, stabiliteti e reformimi në këtë vend”, shkruan Xhafaj. /Opinion.al
…për rrugën që do ecim, nga të gjithë diskutantët. Çdo gjë në interes të vendit & në shërbim të njerëzve??. Ishte një ndër mbledhjet më të mira të viteve të fundit në këtë lloj formati. PS mbetet një vlerë e çmuar demokracie, stabiliteti e reformimi në këtë vend?.
— Fatmir Xhafaj (@FatmirXhafaj) July 17, 2019
