Gati një vit nga vdekja e Dj të njohur Avicii është publikuar kënga e parë e albumit të tij të fundit “TIM”.
Kënga titullohet “SOS” dhe vjen si një bashkëpunim i tij me Aloe Blacc. Video e këtij produksioni përmban disa mesazhe nga fansat e Aviciit në nder të kujtimit të tij.
Këngëtari Blacc është shprehur se një pjesë e tekstit të këngës tregon problemet që ka kaluar Avicii.
“Ai e shkroi këtë tekst qartazi për disa nga betejat e tij dhe mendoj se është një temë shumë e rëndësishme për t’u kuptuar e për t’u shpërndarë, sidomos me publikun e tij. Avicii ka ditur si të depërtojë në veshë dhe zemër, për t’i dhënë njerëzve fjalët që ata të jenë të aftë ti thonë “Kam nevojë për ndihmë.”- u shpreh Aloe.
Avicii ndërroi jetë më 20 prill të vitit të kaluar si pasojë e vetëvrasjes. Familjarët e tij janë shprehur se ai ishte në përfundim të albumit të ri. Albumi me titull “TIM” do të publikohet më 6 qershor dhe të ardhurat prej tij do të shkojnë për një fondacion që ka në fokus parandalimin e problemeve mendore./Opinion.al/
