Aktualitet

Falja e kamatvonesave, OSHEE thirrje për 131 mijë debitorë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:03 - 24/05/20 |
Al Do

Operatori i Shpërndarjes së Energjisë Elektrike ka bërë sot me dije se janë rreth 131 mijë debitorë, të cilët nuk janë bërë ende pjesë e aktmarrëveshjes për të përfituar faljen e kamatëvonesave, gjatë periudhës së pandemisë së koronavirusit.

OSHEE iu bën thirrje të gjithë debitorëve të energjisë të bëhen pjesë e aktmarrëveshjes dhe njofton se ata kanë afat deri në muajin qershor për të hyrë në aktmarrëveshje, në mënyrë që të përfitojnë faljen e kamatëvonesës.

Njoftimi i OSHEE

Nga analiza e treguesve, sipas Furnizuesit të Shërbimit Universal, vlerësohet se janë rreth 131 mijë debitorë që nuk kanë hyrë në aktmarrëveshje.

Sqarojmë përsëri se, kjo kategori ka afat deri në muajin qershor që të përfitojnë nga falja e kamatvonesës dhe të lidhin aktmarrëveshje të re me OSHEE. Bëhet fjalë për 10 miliardë lekë që shuhen nga falja e kamatvonesave. Faleminderit. /Opinion.al

Pas