Pas WhatsApp edhe Facebook heq përfundimisht suportin për telefonat BlackBerry, duke bërë që përdoruesit ta kenë të pamundur që të lidhen me rrjetin social nëpërmjet aplikacionit.
Vetë drejtuesit e BlackBerry u shpreh tepër të zhgënjyer nga vendimi i Facebook, për shkak se, sipas tyre, përdoruesit i duan shumë këto aplikacione.
“U përpoqëm që të negocionim me WhatsApp dhe Facebook për t’i ndryshuar mendjen, por tashmë vendimi i tyre është marrë”, shkrujti kompania në një postim të saj në blog, ku inkurajoi të gjithë përdoruesit e këtyre dy aplikacioneve që të shkruanin për këtë në media sociale.
BlackBerry do t’i mundësojë përdoruesëve të saj një aplikacion të thjeshtë për t’u futur në Facebook, që lejon përdorimin e rrjetit social me anë të motorit të kërkimit, por opsionet do të jenë të limituara. /tvklan.al
