“Facebook” do forcojë rregullat dhe masat mbrojtëse në lidhje me reklamat politike. Kjo do të bëhet kryesisht për të parandaluar ndërhyrjen e huaj në zgjedhjet në Evropë.
Risitë do të publikohen në Bashkimin Evropian në fund të marsit, dhe do të ndihmojnë në transparencë më të madhe të reklamave politike në Facebook, tha udhëheqësi i komunikimeve në gjigantin e teknologjisë, Nick Clegg. Masat janë të ngjashme me ato të miratuara për zgjedhjet për Kongresin e SHBA-së në nëntor të vitit 2018, tha Clegg.
Në blog e saj, rrjeti më i madh social në botë tha se risitë do të zgjerohen globalisht para fundit të qershorit.
Facebook-u është kritikuar vazhdimisht për mungesën e politikave për të luftuar lajmet e rreme, propagandën politike, përhapjen e ideologjive raciste dhe ekstreme./E.M
