Së fundmi qarkullon një thënie në internet: “nëse nuk po e paguani, ju nuk jeni klienti, jeni produkti.”
Lumi i kritikave vazhdon të vërshojë ndaj Facebook, që prej plasjes së skandalit të Cambridge Analytica, ku të dhënat e 87 milion përdoruesve u shitën te një firmë konsulente politike që ndihmonte Donald Trump.
Tani Facebook po lufton “me mish e me shpirt” kudër këtyre kritikave. Në blogun e të hënës kompania i përgjigjej një pyetje në tentativë për t’i mbushur mendjen njerëzve që të dhënat e tyre nuk do të përdoren.
“Nëse nuk po paguaj për Facebook, a jam unë produkti?
Jo. Produkti jonë është media sociale – aftësia për t’ju lidhur me njerëzit e afërt, kudo që janë. Është e njëjta gjë si me motorrët e kërkimit dhe gazetat. Produkti është leximi i lajmeve dhe gjetja e informacioneve – dhe reklamat ekzistojnë për ta vulosur eksperiencën.”
Kjo përgjigje direkte nuk pati reagime edhe aq pozitive. Sidomos gazetarët e sulmuan Facebook për krahasimin që bëri me gazetat dhe portalet e lajmeve. Shumë mendojnë që kjo është hipokrizi pasi kompania e ka dëmtuar jashtëzakonisht industrinë e medias./Opinion.al
