Facebook është jo vetëm rrjeti më i madh virtual ku takohen njerëz të njohur e të panjohur, por edhe “vitrina” ku secili prej nesh e shet veten sipas mënyrës së vet.
Por ky lloj ekspozimi, përmes fotografish, videosh apo statusesh me përmbajtje intime apo ideore, komentesh apo perceptimesh, mund të krijojë përshtypje të gabuara te ata që ju ndjekin.
Madje ndonjëherë mund të shkaktojë probleme që materializohen edhe në jetën reale. Kjo prej marrëdhënieve tërësisht të ndryshme që mund të ndërtojmë aty me miqtë tanë virtualë.
Mesazhet dhe komentet flirtuese që gjenden në faqet e Facebook-ut po shkaktojnë gjithnjë e më shumë probleme mes çifteve.
Ndërkohë, firmat kompjuterike po fitojnë gjithnjë e më shumë para duke krijuar pajisje kompjuterike që lejojnë bashkëshortët dyshues që të spiunojnë në mënyrë elektronike aktivitetet e dikujt në internet.
Një 35-vjeçare madje zbuloi se bashkëshorti i saj po divorcohej me të nëpërmjet Facebook-ut.
Organizatorja e konferencave, Emma Brady u trondit, kur mori vesh se martesa e saj kishte marre fund, pasi lexoi statusin e bashkëshortit të saj që thoshte: “Neil Brady i ka dhënë fund martesës me Emma Brady”.
Vitin e kaluar një 28-vjeçare i dha fund martesës së saj pasi zbuloi se i shoqi po kalonte një marrëdhënie virtuale me dikë që nuk e kishte takuar kurrë. Any Taylor, 28 vjeçe u nda nga David Pollard, pasi zbuloi se ai po flinte me një shoqëruese në lojën “Second Life”, një botë virtuale, ku njerëzit krijojnë një personalitet të ri, transmetojnë mediat.
