Europa është përfshirë nga moti i keq, me acar në veri dhe përmbytje në jug. Autoritetet kanë raportuar se në Gjermani kanë humbur jetën dy persona për shkak të motit të keq, teksa dhjetëra të tjerë kanë mbetur të plagosur.
Po ashtu, janë shënuar një numër i madh aksidentesh rrugore. Temperaturat disa gradë nën zero dhe stuhitë e dëborës mbërthyen gjithë territorin e vendit, duke i gjetur shumë qytetarë e drejtues automjetesh të papërgatitur.
Moti i keq me reshje të dendura shiu ka përfshirë jugun e Spanjës. Me situatë problematike u përball gjatë orëve të fundit Sevija dhe zonat përreth. Përmbytje masive mbuluan pjesën më të madhe të qytetit spanjoll, duke shkaktuar probleme kryesisht në qarkullimin e automjeteve
. Niveli i ujit arriti deri në gjysmë metri. Meteorogolët nuk përjashtojnë mundësinë që vala e motit të keq të ashpërsohet gjatë orëve në vijim./ Opinion.al
