Të premten dhe të shtunën do të luhen 4 ndeshjet çerekfinale të këtij europiani. Në orën 18:00 luhet finalja e parakoshme mes Spanjës dhe Gjermanisë. Mbrëmjen e së premtes luhet Portugali-Francë.
Të shtunën pasdite luhet Angli-Zvicër dhe në mbrëmjen e 6 Korrikut luhet ndeshja e fundit çerekfinale Holandë –Turqi.
Gazetari Erion Todhe në një lidhje për edicionin qendror të lajmeve në TV Klan dha parashikimet e kompanive kryesore të basteve për nndeshjet çerekfinale.
Erion Todhe: Janë 4 ndeshje dhe 8 skuadra që janë të gjitha favorite sepse kanë ardhur në këtë fazë me meritë, me fat, dikush me zemër ose me impenjim të madh. Të gjitha e pretendojnë të shkojnë deri në finale dhe në këtë fazë janë të gjitha në lojë. Duke u mbështetur tek kompanitë e basteve ose të parashikimeve sportive, e para është finalja e parakohshme. Spanja kundër Gjermanisë. Në 2008 ka shënuar në finale Fernando Torres duke i rrëmbyer Gjermanisë dhe fitoren e Euro 2008. Kjo ndeshje çerekfinale ka si favorit lehtësisht Spanjën me koeficient 2.7, barazimi 3.1 dhe fitorja e Gjermanisë kuotohet me koeficientin 2.8. Shumë pak e kuotuar Gjermania. Spanja është pretendente sepse ka treguar shumë grintë. Portugali-Francë në mbrëmjen e së premtes, ndeshja e dytë. Dukshëm e favorizuar Franca me koeficient 2.4, barazimi me koeficientin 3 kurse Portugalia është e kuotuar me koeficientin 3.3.
Të shtunën më 6 Korrik Angli-Zvicër, fitorja e anglezëve kuotohet 2.2. Barazimi kuotohet me koeficientin 3 dhe fitorja e Zvicrës kuotohet me koeficientin 3.8. Kjo është një përmbledhje pasi kompanitë e basteve janë të shumta. Anglia është e favorizuar. Por ka kaluar thuajse me fat sepse nuk ka dalë në pretendimet e saj, të paktën për golin e Bellingham. Holandë-Turqi, që luhet të shtunën në mbrëmje. Holandezët janë të favorizuar dukshëm me koeficentin 1.6 për fitoren, barazimi kuotohet me koeficientin 4. Thuajse e pamundur fitorja e Turqisë, e cila kuotohet me koeficientin 6.
