Mesfushori i Spanjës, Pedri, duket se e ka mbyllur Europianin e tij. Lojtari nuk do të jetë i gatshëm për ndeshjen gjysmëfinale ndaj Francës, por edhe për finalen, në rast se kualifikohen.
Shkak për këtë, është bërë dëmtimi i pësuar ndaj Gjermanisë, pas një ndërhyrje të mesfushorit rival, Toni Kroos.
Ekzaminimet imazherike, zbuluan se Pedri ka në ndrydhje të brendshme në gjurin e majtë. Si pasojë e kësaj, atij i duhet të qëndrojë disa javë pushim, për të nisur me pas me ushtrimet për rikuperim.
Duke ditur se Euro 2024 po shkon drejt fundit, rrugëtimi i mesfushorit në këtë turne është mbyllur. Për fatin e mirë të lojtarit, dëmtimi nuk është shumë i rëndë dhe nuk pritet ta mbajë shumë gjatë jashtë fushave.
