Federata Shqiptare e Futbollit ka dërguar tashmë ftesat te lojtarët që De Biazi do të marrë me vetë ne Euro 2016.
Por ndërkohë, sipas kësaj ftese, FSHF u kërkon klubeve respektive që të mos i publikojnë detajet para 23 majit.
Megjithatë, “Telegrafi” ka mundur të sigurojë një kopje të kërkesës së FSHF-së drejtuar klubeve me të cilat luajnë kuqezinjtë.
Në këtë shkresë thuhet, “ju lutem mos bëni publike ftesën përpara 23 majit”. Sa i përket listës me 23 lojtarë, De Biazi ka lënë jashtë Naser Alijin dhe Milot Rashicën, ndërsa pjesa tjetër është e njëjtë me skuadrën që De Biazi formoi për kualifikueset.
Lista e Shqipërisë për Kampionatin Evropian ‘Francë 2016’.
Portierë: Etrit Berisha, Alban Hoxha, Orges Shehi
Mbrojtës: Andi Lila, Elseid Hysaj, Lorik Cana, Mërgim Mavraj, Arlind Ajeti, Berat Gjimshiti, Ansi Agolli.
Mesfushorë: Taulant Xhaka, Amir Abrashi, Herolind Shala, Ermir Lenjani, Shkëlzen Gashi, Ergys Kace, Odise Roshi, Ledian Memushaj, Migjen Basha dhe Burim Kukeli.
Sulmues: Sokol Cikalleshi, Bekim Balaj dhe Armando Sadiku.
