Nëse dikur ishte një nga personazhet që premtonte për të ardhmen, sot është nga më të suksesshmit në atë që bën. Ermal Mamaqi duket se fjalën sukses e ka pjesë të vetes dhe e përcjell në çdo fushë që shkel.
“Xing me Ermalin”, çdo të shtunë është një nga programet më të ndjekur, edhe kur nuk kishte konkurrencë, por edhe tani që ka disa emisione të tjerë përballë në fashën orare që trasmetohet, shkruan revista class.
I ftuar ditën e sotme në emisionin “Rudina” ai ka ndarë një sekret të vogël që ka të bëjë me suksesin e tij, ose për ta thënë më saktë një këshillë që ka për të gjithë njerëzit.
“Emisoni i ka tejkaluar pritshmëritë, sepse fillimisht nuk kishim konkurrencë në kanalet e tjëra. Gjatë muajve në vijim e kam kuptuar nga interesi i publikut dhe i të ftuarëve, që disa herë më kërkojnë vetë të jenë në emision”, ka komentuar ai fillimisht mbi suksesin e emisionit.
Ndërsa përsa i përket formulës së tij të suksesit, ai ka thënë:
“Gjithmonë them që kam fat, madje cover të telefonit kam një sfond ku shkruhet: Ditë pas dite në çdo mënyrë unë do të bëhem gjithmonë e më mirë. E lexoj më shumë se 10 herë në ditë. Me mua ka funksionuar”.
