Erjon Braçe nuk e fsheh zhgënjimin nga rezultati i votimit në Asamblenë Kombëtare të Partisë Socialiste.
Braçe, i cili në kryesinë e kaluar ishte ndër më të votuarit këtë herë ishte në fundin e listës krah Vangjush Dakos, Armando Subashit dhe Taulat Ballës.
“Për çdo votë që mungoi, kam një pyetje: Çfarë duhet të bëj më shumë?”, shkruan Braçe në Facebook.
Ndërsa më tej, ai shton se “nuk do të heshtë për të vërtetat dhe nuk do të bëjë kompromis për gabime” dhe shton se “secili duhet të marrë bashkë me karrigen dhe përgjegjësinë për çfarë bën”.
“Kurrë, kurrë, nuk do i këmbej gjithë sa më sipër me ca vota më tepër! Për të qenë më i qartë; Nuk do të hesht e nuk do bëj sehir që të votohem pak më shumë”, thekson deputeti socialist.
