Presidenti turk, Rexhep Taip Erdogan ka deklaruar ditën e sotme se një nga organizatorët e sulmeve terroriste në Bruksel ishte ekstraduar nga Turqia për në Belgjikë.
Mirëpo, presidenti turk shtoi se autoritetet belge e liruan të dyshuarin, edhe pse autoritetet turke kishin njoftuar se personi në fjalë përbënte rrezik të lartë për sigurinë.
Presidenti Erdogan ka qenë shumë aktiv me paralajmërimet e tij ndaj Perëndimit për sulme terroriste.
Ai dha një deklaratë të bujshme pas sulmeve në Ankara, ku paralajmëroi BE-në për sulme terroriste.
“Një nga organizatorët e sulmeve në Bruksel u arrestua në qershor të vitit 2015 në Gaziantep, Lindje të Turqisë. Ky person u ekstradua në Belgjikë, dhe më pas u lirua, edhe pse ne paralajmëruam për rrezikshmërinë e tij”, tha Erdogan në një konferencë ditën e sotme.
