Presidenti i Turqisë, Recep Tayyip Erdogan njoftoi se vendi do të futet në izolim të plotë për katër ditë, duke filluar që nga data 23 maj. Kjo do të thotë se turqit do të jenë të izloluar gjatë Festës së Fiter Bajramit.
Erdogan tha se ky vendim është marrë në kuadër të përpjekjeve për të frenuar përhapjen e koronavirusit.
Duke folur pas takimit të kabinetit qeverisës, Erdogan po ashtu tha se shkollat nuk do të rihapen gjatë këtij viti akademik, duke shtuar se mësimi në shkolla do të nisë në shtator, në vitin e ri akademik.
President turk po ashtu tha se xhamitë, nga 29 maji do të rihapen për besimtarët për të kryer lutjet e mesditës dhe pasdites.
Sipas të dhënave të Universitetit Johns Hopkins, në Turqi, deri më tani janë regjistruar mbi 149,000 raste me koronavirus dhe mbi 4,100 të vdekur. /Opinion.al
