Kandidati i opozitës kryesore të Turqisë, Ekrem Imamoglu, u shpall ditën e sotme kryebashkiak i Stambollit, pas përfundimit të rinumërimit të votave, megjithë kërkesën ende pa përgjigje të Partisë AK të Presidentit Tayyip Erdogan për një rivotim në qytetin më të madh të vendit.
Duke marrë zyrtarisht detyrën pas më shumë se dy javë sfidash ligjore, Ekrem Imamoglu premtoi se do të punojë fort për 16 milionë banorët e qytetit.
Ky rezultat i dha fund 25 viteve kontroll nga Partia AK (AKP) dhe paraardhësit e saj islamikë.
Sfidat e përsëritura nga AKP-ja krijuan nervozizëm midis mbështetësve të opozitës që u derdhën në fushat e stadiumeve në fundjavë, ndërsa kërkonin që mandati i kreut të bashkisë t’i jepej kandidatit të tyre, ndërsa humbja është veçanërisht e vështirë për Erdoganin, i cili e nisi karrierën politike në Stamboll si kryebashkiak në vitet 1990./Opinion.al
