Pasditen e së dielës do të zhvillohet takimi i shumëpritur mes presidentit turk Tajip Erdogan dhe Sekretarit të Përgjithshëm të NATO-s, Jens Stoltenberg.
Prezenca e Stoltenberg në betimin e Erdoganit për mandatin e tij të ri, paralajmëroi takimin në fjalë, i cili pritet me shumë interes, për shkak të çështjeve të hapura që ekzistojnë mes dy palëve, ku njëra prej tyre është edhe pranimi i Suedisë në Aleancën e Atlantikut të Veriut.
Megjithatë, në tavolinën e diskutimit do të ketë edhe çështje të tjera, duke përfshirë forcimin e forcave ajrore turke, marrëveshjen për transportin e grurit të Detit të Zi, etj./Opinion.al
