Juristja Eni Ҫobani, një prej personazheve më të dashur të publikut, këtë fundvit ka bërë bilancin e profesionit të saj, i cili, për fat të keq, është më i dhimbshëm se një vit më parë. Zëri i fortë i publikut, edhe nëpërmjet rubrikës së përjavshme “Shihemi në gjyq”, është përpjekur përgjatë një viti të vendosë një urë komunikimi mes probleme të ndryshme të shoqërisë.
Por jashtë ekranit, Eni ka një jetë krejt tjetër. Prej 18-vjetësh ajo është bashkëshorte dhe nënë e një djali, i cili pak ditë më parë ka festuar 18-vjetorin e lindjes. Në një status të veҫantë edhe në profilin e saj në Instagram, juristja tha se Aldi “është gjëja më e mirë që kam bërë në jetë.”
Këtë e ritheksoi edhe këtë pasdite ndërsa ishte e ftuar në programin “Rudina” në Tv Klan, pasi kujtoi se viti ’98 ka qenë viti i saj i artë, kur pas martesës, erdhi në jetë edhe Aldi, djali i vetëm i Enit:
“Unë në fakt të gjitha gjërat e bukura i kam bërë brenda një viti. Viti ’98 ishte viti ynë i artë. Pas 2-vjetësh fejesë me Avenirin, u martuam dhe po atë vit erdhi në jetë edhe Aldi. Gjithҫka e kam mbyllur në ’98-ën” – rrëfen juristja, e cila ndihet pak e keqardhur që pas Aldit nuk erdhi një motër apo një vëlla për të: “Nuk ndodhi që pas Aldit të vinte një fëmijë tjetër, një motër apo një vëlla…. Por Zoti na proivilegjoi me një djalë të mrekullueshëm.”
Megjithatë është një nënë e kënaqur, edhe pse akoma kërkuese. Aldi është gjëja më e mirë që ka bërë, por të jeshë nëna e një 18-vjeҫari është e vështirë:
“18 vjeҫ është një moshë e artë. Aldi është një fëmijë i mrekullueshëm. Por të jesh nëna e një 18-vjeҫari është edhe një detyrë e jashtëzakonshme kundrejt tij, kundrejt familjes dhe shoqërisë. Fëmija duhet të ketë një vëmendje dhe një edukim të mirë. Unë jam edhe nënë mjaft kërkuese, por jam e kënaqur. I kam dhënë shoqërisë një fëmijë shumë të mirë.”
Eni me bashkëshortin, Avenirin
Ndryshe nga bashkëshortja, e cila zgjedh që shumë prej sukseseve dhe momenteve kryesore të jetës t’i ndajë edhe me miqtë virtualë, Aveniri është një personazh më i tërhequr ndaj të shfaqurit në publik. Eni e shpjegon këtë me arsyen se “ajo është mjaft për familjen”:
“Aveniri është një natyrë e qetë, nuk i pëlqen publiciteti. Nuk dëshiron të jetë shumë i publikuar. Mjafton një për familje, thotë. Normalisht, unë them që kryesorja e suksesit tim është qetësia e tij. Ai e ka përcjellë gjithmonë me shumë qetësi profilin tim publik, sepse nuk është e lehtë. Por gjithmonë kur trokas në shtëpi dhe futem, jam e qetë. Qetësia që më falin ata është frymëzimi i ditës sime të nesërme.”
Duke e falënderuar publikisht për qetësinë, tolerancën, mirëkuptimin për profesionin e saj, Eni pranon se vetëm një njeri si Aveniri mund të pranonte Enin si bashkëshorte./class
