Kronikë

Emri/Udhëtoi në Britani me kamion, shqiptari u rekrutua nga banda kriminale si…



Bëhu pjesë e Grupit Zyrtar të Opinion.al
>> KËTU <<
               Publikuar në : 11:43 - 19/08/22 |
Opi Nion

Një emigrant shqiptar i paligjshëm, i cili iku në Mbretërinë e Bashkuar duke u fshehur në bordin e një kamioni, u arrestua pasi u kap duke punuar në një shtëpi bari në zonën e Leeds.

Sipas mediave britanike, shqiptari është identifikuar si Bledar Tenaj dhe është rekrutuar nga një bandë kriminale pasi nuk ka mundur të sigurojë punë ligjore pas mbërritjes së tij në shtetin anglez.

Pas një informacioni të marrë, policia bastisi pronën në Gathorne Terrace në zonën Chapeltown më 27 korrik.

Në banesë policia gjeti 168 bimë në tre nga katër katet e pronës, me një vlerë totale 92,000 £, tha prokurorja Louise Pryke për Gjykatën e Kurorës së Leeds. Po ashtu, policia gjeti një strukturë “të sofistikuar”, me drita hidroponike, filtra karboni dhe drita me kohëmatës.

Tenaj, i cili aktualisht ndodhet në paraburgim në Doncaster, pranoi në gjykatë akuzën e prodhimit të kanabisit.

Ndërsa avokati i të riut shqiptar, Stephen Welford tha: “Ai erdhi në këtë në Angli rreth 18 muaj më parë. Në pamundësi për të gjetur punë legalisht, ai erdhi në Leeds gjashtë muaj më parë dhe jetonte në rrugë. Nuk ka asnjë provë që tregon se ai ka qenë i përfshirë në ndonjë vepër tjetër kriminale. Ai ishte rekrutuar për t’u kujdesur për këto bimë në këmbim të akomodimit dhe ushqimit.”

Tanaj u dënua me 32 muaj burg nga gjykatësi Tom Bayliss, ndërsa bëri me dije se mund të lirohej pasi të kishte kryer gjysmën e dënimit dhe më pas të deportohej për në Shqipëri.

Ndër të tjera, gjykatësi Bayliss tha se nuk kishte asnjë provë që tregonte se emigranti shqiptar po jetonte në kushte të vështira.”Ti ishe, sipas gjykimit tim, atje vullnetarisht dhe është shumë e qartë që ishe atje në krye të operacionit,”-u shpreh ai./Opinion.al

Pas