Emri/Shiste drogë në periferi të Durrësit, 30-vjeçari tenton të arratiset kur sheh policët, por nuk shpëton dot 

Një 30-vjeçar është vënë në pranga në Durrës, nën dyshimin se tregtonte lëndë narkotike. 

Luvio Shtora shiste kanabis në lagjen nr.7 të qytetit bregdetar. Kur konstatoi punonjësit e Policisë, i riu tentoi të largohej me vrap dhe hodhi në tokë qesen me lëndë narkotike, por nuk mundi dot të largohej pasi u kap dhe prangos nga forcat Shqiponja. 

Gjatë kontrollit fizik, shërbimet e Policisë i gjetën atij, një sasi lënde narkotike kanabis e cila u sekuestrua në cilësinë e provës materiale.