Shërbimi i Kontrollit të Brendshëm në Polici ka vënë në pranga një efektiv të Rrugores. Arjan Meça punonjës i Komisariatit të Qarkullimit Rrugor në kryeqytet ,me detyrë trup shërbimi në Sektorin Inter-urban dyshohet për korrupsion.
“Ky punonjës policie u arrestua në flagrancë për veprën penale “Korupsion pasiv, nga persona që ushtrojnë funksione publike”, parashikuar nga neni 259 i Kodit Penal, pasi mori një sasi lekësh nga një drejtues mjeti”, thuhet në njoftim.
“SHÇBA fton qytetarët dhe mediat të denoncojnë çdo rast paligjshmërie të konstatuar apo korrupsioni, ku janë të implikuar punonjës të Policisë”, thuhet më tej.
