Pjetër Ndoci (Lleshi) 40-vjeç është arrestuar nga policia në kufirin mes Shqipërisë dhe Malit të Zi pasi kërkohet nga autoritetet e Luksemburgut.
Përmes një njoftimi policia bën me dije se Ndoci është dënuar nga autoritete atje për veprën penale të vjedhjes me dhunë.
“Në kuadër të operacionit, në territorin e Malit të Zi, në pikën e kalimit kufitar midis Shqipërisë dhe Malit të Zi, bazuar në informacionet e dhëna nga FAST Albania, në bashkëpunim dhe me Drejtorinë Rajonale të Kufirit dhe Migracionit Shkodër, u bë e mundur kapja, nga FAST Montenegro, e shtetasit P. N.(Ll.), 40 vjeç, lindur në Vrith, Shkodër, i shpallur në kërkim ndërkombëtar nga autoritetet policore në Luksemburg, për veprën penale “Vjedhja me dhunë”, njofton policia.
Ndaj këtij shtetasi u ekzekutua, nga autoritetet policore të Malit të Zi, urdhër arresti ndërkombëtar i lëshuar nga autoritetet ligjzbatuese të Luksemburgut dhe vijojnë porcedurat për ekstradimin e tij për në Luksemburg./Opinion.al
