Policia e Lezhës ka parandaluar përshkallëzimin e një konflikti me armë zjarri mes xhaxhait dhe nipit.
Me marrjen e njoftimit për një konflikt në fshatin Mërqi, ku 67-vjeçari Pjeter Nika kanoste me armë zjarri nipin e tij shtetasin F.N, shërbimet e Komisariatit të Policisë Lezhë dhe të Forcës “Shqiponja” kanë shkuar menjëherë në adresën e dhënë.
Falë ndërhyrjes në kohë është parandaluar përshkallëzimi i konfliktit dhe është sekuestruar arma e zjarrit pistoletë me municion luftarak, që dyshohet se e posedonte shtetasi P. N., 67 vjeç, banues ne Merqi, Lezhë.
Pasi arritën ta neutralizojnë, policia ka bërë të mundur dhe arrestimin e 67-vjeçarit. Gjatë kontrollit në banesën e këtij shtetasi u gjet edhe një sasi municioni luftarak.
